Серијал - МКХост и Претприемач

Продолжуваме со серијалот на постови кои МКХост и Претприемач ги подготвуваат со цел еден претприемач да го зголеми своето знаење и да не биде затечен во користење на различна техничка терминологија за оваа намена во деловниот свет. Денес ќе продолжиме со разлика помеѓу бесплатен и платежен хостинг.

Бесплатен хостинг – секој од нас посакува да добие нешто бесплатно, па така низ интернет мрежата се нудат и услуги од хостинг бизнисот кои се бесплатни, а меѓу нив највеќе се присутни бесплатните хостинг услуги. Знате, постои поговорка која вели: бесплатен ручек нема, па ќе се обидеме да објасниме повеќе за овие бесплатни хостинг услуги.

За оние кои сакаат повеќе да дознаат за видови на хостинг услуги, може да прочитаат на еден од претходните информативни постови каде се објаснува веб хостингот и видовите на хостинг услугите.

Секако дека има многу веб хостинг провајдери кои нудат бесплатни услуги, но глобално искуството со нив е негативно. За да не се најдете во таква ситуација еве неколку објаснувања, негативности за поседување на бесплатен хостинг простор. Не треба да ја направите и вие грешката што многумина ја имаат направено и го имаат изгубено својот веб сајт преку ноќ.

Се зависи каков веб сајт сакате да хостирате. Најосновно правило што треба да го знаете е дека хостинг провајдерот кој што ќе ви го понуди овој бесплатен хостинг не ви гарантира за неговиот uptime, неговата стабилност, сигурност, кражба од информации и може секој момент без никакво известување да ви го исклучи истиот без никакви обврски спрема вас. Доколку имате развиено бизнис и сакате да го претставите на интернет со поставување на веб страна, тогаш строго ви препорачувам да не користите бесплатен хостинг пакет.

Слабости на бесплатниот хостинг

Со бесплатен хостинг пакет обично не добивате алатки и поддршка што треба да ја има секој корисник на хостинг услуга. Еве неколку негативности за бесплатен веб хостинг:

• мал простор
• bandwidth месечен лимит за трансфер на податоци кој може да варира и некогаш да ви биде исклучен сајтот при поголема посетеност
• слаба корисничка поддршка
• поставување на банери и скриени скрипти во вашиот сајт од страна на хостинг провајдерот – ќе влијаат врз оптимизација на сајтот, ќе добиете негативен ефект кај посетителите како и пребарувачите
• спамерите секогаш бараат бесплатни хостинг провајдери, па дали со нив ќе го делите shared просторот од серверот и дали ip адресата на серверот ќе биде банирана од интернет пребарувачите?
• некои провајдери дури не ви даваат ни можност за backup на податоците, како и дополнителни алатки кои треба да ги имате како контрол панел, ресторирање и зачувување на базата на податоци, емаил акаунти и додавање на дополнителни веб страни
• може да очекувате и нестабилност на серверот, одредени корисници на истиот сервер може да го користат хостингот за нелегални цели па да дојде до прекин на услугата секој момент
• ќе треба да вршите редовен backup вие лично, затоа што не се очекува од бесплатниот хостинг провајдер да го прави тоа за вас
• веб пребарувачите не ги сакаат бесплатените хостинг сајтови и често ги игнорираат. – Како ќе биде пронајден вашиот бизнис ако пребарувачите го игнорираат сајтот?
• URL адресата на бесплатниот хостинг сајт ќе биде долга и тешка за памтење

Предности од имање на свој домен како и платен професионален веб хостинг:

• со закуп на сопствен домен, вие автоматски го креирате брендот на интернет и името лесно се памти: пр. pretpriemac.com.
• поддршката секогаш е тука за вас, дали треба да креирате емаил адреса или ви треба помош при поставување на веб страната…
• ќе имате брендирана емаил адреса и ќе може да креирате стотици e-mail адреси
• свој контрол панел каде лесно ќе се снаоѓате и каде ќе најдете многу алатки и опции кои ќе ви помогнат при раководење на вашата веб страна
• многу полесно ќе бидете забележани од веб пребарувачите – ип адресата на хостинг провајдерот нема да биде блокирана од нив затоа што на истата постојат и други сериозни веб страни
• изгледа многу попрофесионално и нема банери и дополнителни реклами од хостинг компанијата

Сепак доколку планирате да креирате мал веб сајт лично за вас, проект на факултет кој треба да се објави на интернет за да го проверат вашите професори, или пак да си креирате веб сајт за забава, за ваши фотографии и биографија за да го покажувате на блиските и на пријателите, тогаш бесплатниот хостинг може да ви послужи за краткотраен период. Доколку го заборавите и не го посетувате, може да ви го суспендираат или терминиираат после одреден период. За разлика од платениот веб хостинг каде кога ќе го платите, секогаш ви е достапен и неможе да го избришат без претходно известување.

За оние кои размислувале за закуп на бесплатен хостинг, а горенаведениот текст ги предомисли или малку ве размисли, МКхост воведе нов пакет: STARTUP кој може да го добиете за цена од само 1000 денари за ЦЕЛА година. Пакетот ги има следниве карактеристики:
150 мб хостинг простор
5000 мб месечен сообраќај познат како bandwidth
неограничен број на e-mail адреси, Mysql бази на податоци, поддомени, FTP акаунти…
cPanel контрол панел со вклучен File Manger
ВИДЕО МАТЕРИЈАЛИ ЗА КАКО ДА ГО ХОСТИРАТЕ И ПОСТАВИТЕ ВАШИОТ ВЕБ САЈТ
Пакетот може да го нарачате со клик на линкот.

Целиот процес на нарачка и закуп на пакетот може да го прегледате преку следното видео.

Се надевам дека ќе го направите правиот избор и нема да се покаете во иднина .

Серијал за технологија на претприемач и МКХост

Ќе продолжиме со серијалот на постови кои МКХост и Претприемач ги подготвуваат со цел еден претприемач да го зголеми своето претприемничко знаење и да не биде затечен во користење на различна техничка терминологија за оваа намена. Претходниот пост беше за 5 елементи кои Вие како еден претприемач треба да ги разгледате пред да одлучите за избор на хостинг компанија која ќе го хостира Вашиот бизнис веб сајт. Потоа имавте можност да прочитате за Веб хостинг и видови на хостинг услуги. Сега ќе продолжиме со различната терминологија која се корсти во светот на интернетот и оваа индустрија.

Многу често се среќаваме со одредени термини во хостинг индустријата. За некого тие веќе се познати и јасно знаат што значат, но за некого тоа е нов јазик и затоа ќе дадеме кратки и едноставни објаснувања за неколку жаргони кои најчесто се користат. Секако при објаснување на одреден термин ќе наидете и на други под-термини кои можеби не ви се јасни, но слободно може да пребарувате и за нив на интернет или пак да оставите коментар и ќе се обиедеме да ви ги дообјасниме.

Еве ги термините кои што ќе ги објасниме во постот:

• Apache
• IIS
• HTML
• HTTP
• FTP
• SSH
• IP
• DNS
• Packet-Switching
• SQL
• MYSQL
• PHP
• Web Hosting
• Domain Name
• LAMP
• RAID
• SSL
• Firewall
• DDoS
• Cgi-bin
• Bandwidth
• Webmail
• POP
• SMTP
• Cron Jobs
• cPanel
• Email forwarders

Терминологија - хостинг индустрија

Apache

Еден од најпопуларните Web server (HTTP) програми. Тој игра значајна улога во развивањето на глобалната интернет мрежа www. Веб серверот е бесплатен и има добри перформанси, како и јаки сигурносни карактеристики. Највеќе е користен кај UNIX оперативните системи. Apache веб серверот се користи за опслужување на статични како и динамични веб страни. Според некои статистики Apache веб серверот завзема речиси 50% од опслужување на веб страните. Така да половина од веб страните што ги посетувате на интернет се застапени со овој бесплатен веб сервер.
Почеток…

IIS

Веб сервер на Microsfot за Windows/NT OS. IIS е скратенка од Internet Information Server. Овој веб сервер е втор најупотребуван после Apache со околу 30%.
Почеток…

HTML

Овој збор е кратенка од HyperText Markup Language и претставува програмски јазик за веб страните. Со помош на HTML вашиот веб пребарувач комуницира со веб серверот и на тој начин се прикажува самиот веб сајт. Постојат многу други програмски јазици, но кога веб серверот го процесира сајтот, истиот го враќа до вас преку веб пребарувачот во HTML формат.
Почеток…

HTTP

Овој збор е кратенка од HyperText Transfer Protocol и претставува протокол во апликациското ниво во системот на интернет. Тој е стандард за клиент-сервер комуникација. Како клиент може да го земеме веб пребарувачот, а како сервер, апликацијата на серверот која што е стартувана за да го хостира веб сајтот. Овие две апликации комуницираат помеѓу себе преку однапред одреден порт (стандарден http порт е 80). Клиентот испраќа одредени информации до серверот побарувајќи ја содржината од веб сајтот, додека веб сервер апликацијата која ги чува овие податоци ги испраќа до веб пребарувачот и така вие ги прегледувате интерактивните информации од сајтот (текстови, слики..).
Почеток…

FTP

Kратенка од: File Transfer Protocol кој овозможува размена на датотеки помеѓу клиентот и серверот или помеѓу два сервера. Во хостинг индустријата FTP е многу користен за прикачување на датотеки кон веб серверот. Преку FTP клиентот ги прикачува фајловите и притоа посетителите на веб сајтот имаат пристап да ги прегледуваат, превземат и слично.
Почеток…

SSH

Кратенка од: Secure Shell е мрежен протокол кој овозможува безбедна комуникација помеѓу два хост-а. Под хост подразбираме компјутер кој што е поврзан на интернет и може да комуницира со други компјутери. SSH бил дизајниран како замена за telnet, се со цел да се овозможи безбедносна комуникација помеѓу мрежите. Комуникацијата е енкриптирана и тоа е добра карактеристика и предност за голема употреба на овој протокол. Највеќе е употребуван кај Unix/Linux базираните оперативни системи.
Почеток…

IP

Кратенка од: Internet Protocol е протокол користен за комуникација и пренос на податочни пакети преку мрежа која го користи Internet Protocol системот познат како TCP/IP. Ова е главен протокол на мрежната инфраструктура на интернет-от. Со помош на протоколот се разменуваат податоци низ интернет.
Почеток…

DNS

Кратенка од: Domain Name System. Секоја веб страна на интернет е хостирана на одреден сервер. Секој сервер активен на интернет има своја адреса, т.н. IP адреса. Секој од нас има своја адреса на живеење, така за да се знае кој сервер и веб страна каде точно е лоцирана и за да не настане хаос, е воведен овој IP ( интернет протокол). DNS – от ни помага во памтење на овие адреси на серверите и веб страните на поедноставен начин – односно со преведување на IP адресата на серверот во одредено име кое е прифатливо за нас. Многу потешко е да ја запамтиме IP адресата: 74.54.191.4 во однос на http://www.vasastrana.com.mk/. Сепак зад DNS, IP и другите протоколи и системи постои цела инфраструктура и многу објаснувања.
Почеток…

Packet-Switching

Е метод кој овозможува префрлање на пакети низ интернет мрежата. Доколку треба да се испратат одредени информации од една локација до друга локација низ интернет мрежата се користи овој метод преку IP протоколот. При префрлувањето на податокот, истиот се „цепи“ на повеќе делчиња познати како пакети со иста големина и истите се испраќаат независно низ интернет мрежата. Тие патуваат низ мрежата и на крајот пристигнуваат до дестинационата локација каде се соединуваат и податокот успешно се пренесува до машината каде што требал да пристигне. Пакетите немора да патуваат по иста патека и немора да доаѓаат редоследно.
Почеток…

SQL

Кратенка од: Structured Query Language е компјутерски јазик за менаџирање на базите на податоци. SQL протоколот се користи за ажурирање на податоци на SQL серверот. Сервери кои имаат поддршка за SQL се познати како SQL сервери. Кога ни е потребна една база со податоци, тогаш ја сместуваме и ја организираме по наши потреби. Со помош на SQL може да вршиме одредени функции кон базата. Функциите се засновани на релационата алгебра. Базите на податоци се широко употребувани низ секојдневието.
Почеток…

MYSQL

Е релационен податочен систем за менаџирање на базите. MYSQL го користат софтверски проекти на кои им е потребна целосна поддршка и организација на податоците во база на податоци. Поддржува multi-user автентификација до повеќе бази, може да се инсталира на повеќе оперативни системи. Највеќе го користат софтверски апликации кои се бесплатни и им е потребна ваков тип на база која е исто бесплатна (под GNU лиценца) како на пример: WordPress, Joomla, phpBB. Исто така се користи и во организација на големи проекти како Wikipedia и Facebook. Така да ако сакате да работите и започнете со одредена база на податоци, тогаш може да го искористите овој бесплатен податочен систем за менаџирање на базите.
Почеток…

PHP

Е скриптирачки јазик кој е дизајниран како примарна цел за креирање на динамични веб страни. PHP кодот е вменат во HTML документот и интерпретиран од веб серверот, ја генерира и прикажува веб страната. PHP генерално работи на веб сервер и е скриптирачки јазик кој е прилагодлив за веб девелопмент на страна на серверот.
Почеток…

Web Hosting

За оние кои сеуште не им е јасен овој основен термин во хостинг индустријата може слободно да прочитаат повеќе на следниот линк: Веб хостинг и видови на хостинг услуги.
Почеток…

Domain Name

Или често кај нас ќе го прочитате и слушнете како домен, домејн, домаин, претставува името на вашата веб страна која се внесува во пребарувачот. Најдобро ќе наведеме со пример. Нашата компанија e МКхост, со што ние се имаме одлучено за доменот: Што e веб хостинг, а што домен?
Почеток…

LAMP

Кратенка од имиња на бесплатни програми кои најчесто се користат заедно за да се овозможи хостирање на динамични веб страни:

• Linux – оперативниот систем
• Apache, – веб сервер
• MySQL, систем за менаџмент на базите на податоци или сервер за базите на податоци
• Perl, PHP, и/или Python, скриптирачки програми.

Почеток…

RAID

Кратенка од: redundant array of inexpensive disks е технологија која овозможува поврзување на повеќе дискови така да тие функционираат заедно и овозможуваат побрза и посигурна работа и чување на податоците. Постојат повеќе видови на RAID конфигурации. Највеќе се користи за да обезбеди backup решение во случај еден од дисковите да откаже, а исто така и во брзина на пристап на податоците помеѓу поврзаните дискови, но доколку еден откаже се губат сите податоци. Сепак се користат и комбинирани видови на RAID се со цел да се добие најдобра безбедност и брзина за податоците кои се наоѓаат на дисковите. Хостинг компаниите ја користат оваа технологија кај серверите.
Почеток…

SSL

Кратенка од: Secure Sockets Layer е протокол креиран за да се справува и за да врши обезбедување на сензибилни и битни податоци како на пример број на кредитни картички, лични податоци на клиентите и сл. Највеќе се користи кај e-commerce веб страните. SSL веб адресата почнува со https. S означува secure однозно безбеден веб сајт каде комуникацијата е енкриптирана.
Почеток…

Firewall

Може да биде на ниво на софтвер или хардвер. Систем кој овозможува заштита на веб серверите. Овие заштитни ѕидови познати како firewalls штитат од хакерски напади како и недозволени пристапи кон серверите.
Почеток…

DDoS

Кратенка од: Distributed Denial of Service Attack е најчест тип на напади на мрежните сервиси. Овој вид на напад предизвикува најголеми проблеми кај хостинг индустријата и хостинг провајдерите. Нападот користи техника на искористување на легалниот трафик, односно сообраќај што провајдерот го користи за да овозможи услуга на клиентите, при што го исполнува со нелегален трафик и на тој начин врши оневозможување на нормална функција на сервисите кај хостинг серверот.
Почеток…

Cgi-bin

Ова е директориум на хостинг серверот каде се сместуваат cgi скрипти за вршење на одредена функција, како на пример праќање на емаил пораки.
Почеток…

Bandwidth

Користен термин во хостинг индустријата кој го обележува протокот на податоците, односно лимитот за проток на податоци како и трафикот кој што е пренесуван. Доколку вие закупите одреден хостинг пакет, хостинг компанијата ви го лимитира трансферот на податоци познат како bandwidth на месечно ниво и ви дава одредена цифра на пример, 20GB. Колку повеќе посетители имате на вашиот веб сајт, толку повеќе ќе биде трошен трафикот и bandwidth-от ќе биде поголем. Ова е битен фактор при избор на еден хостинг пакет. Ако вашиот веб сајт содржи една слика со големина од 1mb и доколку во текот на еден месец имате 10000 посетители, тогаш вашиот потрошен трафик за месецот ќе биде: 10000mb. Ако вие имавте хостинг пакет со месечен bandwidth од 5000mb, тогаш ќе имавте проблем затоа што посетителите ќе потрошат повеќе трафик од дозволениот лимит.
Почеток…

Webmail

Е програма која што се користи кај хостинг серверите и главна функција е прегледување на емаил пораките преку вашиот пребарувач, како и испраќање на нови емаил пораки кога ќе посакате. Предноста е во тоа што може да испраќате и примате пораки и истите да ги прегледувате преку било кој веб пребарувач на било кој компјутер поврзан на интернет.
Почеток…

POP

Кратенка од: Post Office Protocol е протокол кој се користи при комуникација на емаил серверите и негова главна цел е примање на пораките. Овој протокол го користи 110 портот.
Почеток…

SMTP

Кратенка од: Simple Mail Transfer Protocol. За разлика од POP протоколот, SMTP се користи за испраќање на емаил пораки. Овој протокол го користи 25 портот.
Почеток…

Cron Jobs

Се користат доколку треба да се повторува одредена работа повеќе пати. Тоа може да биде некоја скрипта што треба да се извршува секој ден точно во 12 часот. Со помош на cron jobs може да се задава кога сакаме да се изврши одредена работа, дали таа да се повторува и точно во кои периоди да се извршува/да се повторува.
Почеток…

cPanel

Е најупотребуван контрол панел во хостинг индустријата. Овој контрол панел овозможува подобра контрола над хостингот, подобро менаџирање, лесни функции како креирање на емаил адреси, автоматски препраќачи, автоматски одговарачи на емаил пораки, креирање на бази на податоци, сетирање на cron jobs, интегриран file manager кој овозможува работење со податоците на хостингот и многу други корисни работи. МКхост го користи овој контрол панел и клиентите се задоволни со него. Има можност и за менување на темите и изгледот на панелот.
Почеток…

Email forwarders

Или на Македонски: препраќачи на емаил пораки е доста корисна работа кога сакате еден емаил да биде препратен на повеќе други. Дали имате еден куп на емаил адреси и неможете да ги контролирате? Изберете еден главен и насочете ги сите други да ви ги препраќаат емаил пораките со помош на оваа опција која што би требало секој емаил сервис провајдер да ви ја овозможи. Така на еден емаил ќе ви бидат препраќани пораките од другите емаил сандачиња и доволно ќе е да го проверувате само главното емаил сандаче.
Почеток…

Веб хостинг и видови на хостинг услуги

Ќе продолжиме со серијалот на постови кои заеднички со Претприемач ги подготвуваме со цел еден претприемач да го зголеми своето претприемничко знаење и да не биде затечен во користење на различна техничка терминологија за оваа намена. Претходниот пост беше за 5 елементи кои Вие како еден претприемач треба да ги разгледате пред да одлучите за избор на хостинг компанија која ќе го хостира Вашиот бизнис веб сајт.

Ќе продолжиме со подетално објаснување на тоа што претставува веб хостинг и видови на хостинг услуги како би можеле да ја изберете онаа која на Вас како претприемач најмногу би ви одговарала.

Што претставува веб хостинг?

Веб хостинг односно web hosting (на англиски) едноставно може да се дефинира како хостирање на вашата веб страна на Интернет. Може да го дефинираме и како процес на физички поставување на веб сајт на физички сервер, на безбедна локација, кај одреден хостинг провајдер. Под сервер се подразбира физичка машина (компјутер) кој е наменет за опслужување на одредена задача, во овој случај оддржување на веб сајтот кој што е поставен на серверот. Под оддржување мислиме на стабилноста на веб сајтот, сигурноста, брзината на прикажување до крајните посетители, можност за ажурирање на податоците на сајтот…

Многу често терминот веб хостинг се користи и се искажува само: хостинг. Повеќето не го разбираат овој термин и бараат објаснување за неговото значење. Можеби некогаш сте се запрашале како вие да си отворите сопствена веб страна и да ја презентирате на интернет? Доколку да, сигурно сте побарале помош од некого кој веќе е упатен во таа област и првото што би ви го кажал е дека треба да си обезбедите веб хостинг или само хостинг. Зборот хостинг означува дејствие кое е во тек, често се употребува и надвор од интернет сферата кај Англискиот јазик како на пример: Chris will be hosting the 100 Most Shocking Music Moments countdown show on VH1 tonight (Крис ќе ќе ги хостира 100-те најшокантни музички моменти на VH1 вечерното шоу). Веб страната вие ја креирате на вашиот компјутер и потоа ја хостирате со услуга наречена веб хостинг која досега ја дефиниравме.

Доколку сте го слушнале и зборот домен (domain на англиски), често употребуван и како domain name, а во исто време и за веб хостинг и не сте можеле да направите разлика тогаш на овој линк може да прочитате повеќе за разлика помеѓу веб хостинг и домен.

Секоја веб страна што ја посетувате и отварате преку вашите веб пребарувачи е хостирана и достапна на Интернет преку веб хостинг услугите. Веќе знаеме дека интернетот е мноштво од милиони веб страни, каде секојдневно се стартуваат нови и нови, индустријата и хостинг бизнисот се потребни за да ја оддржуваат инфраструктурата на интернетот и да обезбедат поголема достапност на веб сајтовите. Поради овие факти постојат многу компании кои ги нудат овие веб хостинг услуги за одредена цена во зависност од типот на хостинг услугата.

Видови на веб хостинг услуги

Постојат повеќе видови на хостинг услуги. Тие се категоризирани во неколку наслови поделени според нивните карактеристики, па еве едни од најкористените веб хостинг услуги:

Shared Web Hosting

Хостинг сервер

Shared хостинг пакетите се највеќе користени во хостинг индустријата од страна на клиентите како и нудени од хостинг компаниите. Shared (деллив или подделен хостинг) се нарекува поради тоа што целиот простор од еден сервер е поделен на повеќе клиенти и нивните веб страни. Пример хостинг компанијата има стартувано и подесено хостинг сервер со 500gb хард диск. Доколку земеме дека 100gb се користат за оперативниот систем и потребите на администраторите на серверот, теоретски може да кажеме дека остануваат 400gb хостинг простор кој што може да биде поделен(shared) со повеќе клиенти, односно да бидат хостирани повеќе веб страни на серверот и да го делат овој простор. Може да се постават 100 веб страни и секоја да има лимит од 4gb простор. Клиентот добива одреден лимит, а негово е дали ќе го исполни до крај или ќе искористи само неколку проценти од хостинг просторот. Така да теоретски на овој пример може да се стартуваат највеќе 100 веб страни со лимит од 4gb со што би се исполнил целиот хард диск од серверот.

Сепак многу хостинг компании вршат т.н. overselling на хостинг просторот знаејќи дека не сите ќе го користат понудениот хостинг лимит до крај и на тој начин нудат многу поголеми лимити. Доколку 1 од 100 го исполни хостинг просторот до крај тогаш другите 99 имаат само одреден процент исполнето и на тој начин тоа се компензира со поголеми понуди и привлекување на клиентите.

Сепак моја препорака е да се избегнуваат овие overselling хостинг компании, поради една добра причина: што ако сите 100 клиенти го исполнат хостинг просторот до крај? – Ова нема да биде возможно затоа што физички хард дискот нема да дозволи и ќе настане конфликт, поспори перформанси и слично. Ова е прост пример за хостинг сервер и shared хостинг пакетите, но во денешно време хостинг серверите се многу пософистицирани и имаат големи перформанси како и се поврзуваат заедно за опслужување на сајтовите на клиентите.

Кај shared хостинг пакетите процесорот, рам меморијата се делат помеѓу корисниците на истиот сервер. Доколку не постојат лимитирање на ресурсите може во одреден момент еден веб сајт односно клиент да го искористува максимално процесорот, а другите сајтови да бидат спори во дадениот момент.

Предности на Shared Хостинг

• Цената е прикладна и прифатлива
• Можност за лесна надградба на поголем пакет
• Можност за повеќе технологии на истиот хостинг пакет.

Недостатоци на Shared Хостинг

• Намалување на перформанси на сајтот
• Неможност за инсталирање на апликации по потреба
• Безбедноста на сајтот е загрозена доколку некој друг сајт од истиот сервер е мета на напади\

Заклучок

Shared хостинг пакетите се најефтината опција за хостирање на веб сајт. Се препорачува за мали и средни веб страни. Со него може да се користи и емаил сервис, како и други сервери кои спаѓаат за иста цена. Стандардните хостинг пакети на МКхост може да ги проверите на следниот линк: http://www.mkhost.com.mk/linux/

Виртуелен приватен сервер (ВПС)

Виртуелен сервер се нарекува виртуелен затоа што тој практично е дел од физичкиот дедициран сервер. На еден дедициран сервер се стартуваат повеќе виртуелни сервери кои секој си има посебна работна виртуелна околина. Хард дискот, рам меморијата, процесорот, сите се лимитираат и на одреден виртуелен хостинг сервер му се доделуваат лимитирани ресурси. Пример виртуелен приватен сервер со 60gb хард диск, односно хостинг простор,1024mb рам меморија и QUAD CORE процесор. Доколку сакате да имате контрола врз хостинг платформата, но не ви се потребни ресурсите за дедициран сервер тогаш ВПС опцијата е погодна за вас. Се користи виртуелизација на целиот сервер и секој ВПС сервер посебно си работи независно од другите ВПС сервери на главниот дедициран сервер. Можете во секое време да го рестартирате, да инсталирате дополнителен софтвер по ваши потреби и често имате root/administrator пристап.

Дедициран веб хостинг (Dedicated web hosting)

Веб страни на кои им се потребни целосни ресурси на еден сервер се хостираат на цел дедициран сервер. Големи веб страни со многу посети или хардверски побарувања се хостираат на ваков вид на хостинг – дедициран веб хостинг.

Корисникот има цел пристап до физичкиот сервер, додека веб сајтот што се хостира слободно без лимитирања може да ги користи сите ресурси и да опслужи што е можно повеќе посетители.

Сепак ваквиот тип на веб хостинг е поскап за разлика од другите хостинг решенија но затоа нуди големи перформанси.

Реселер веб хостинг (Reseller web hosting)

Доколку имате повеќе веб страни, или сте веб дизајнер кој што сака да ги хостира сите веб страни на неговите клиенти тогаш ова е погодна веб хостинг солуција за вас. Реселер веб хостинг услугата ви овозможува продавање на свои хостинг услуги до вашите клиенти или како хостинг само за вашите веб страни. Закупувате пакет по ваша желба пример 10gb хостинг простор со 100gb месечен сообраќај и со овие ресурси креирате ваши хостинг пакети и ги креирате за вашите сајтови/клиенти. Хостинг компанијата се грижи за серверот, за неговите надградби, безбедност, вие само креирате пакети.

Ко-локација на сервер

Доколку имате свој хардвер, односно ваша серверска машина која сте ја инсталирале и подесиле, може да ја ко-лоцирате во одреден дата центар кој ќе се грижи за него и ќе го обезбедува со нон-стоп интернет пристап, како и струјно напојување и ќе се грижи за неговата безбедност.

Бесплатен веб хостинг

Како што вели поговорката: „Нема бесплатен ручек“, истото може да го кажеме и за бесплатна хостинг услуга. Можеби сте сретнале на Интернет компании или организации кои нудат бесплатен хостинг, но тие на некој начин ви го наплаќаат со поставување на нивна реклама на вашиот сајт, банери, popup прозорчиња, одредени лимитирање на самиот хостинг, не ви нудат безбедност, backup решенија и можеби кога сакаат може да ви го исклучат, не се грижат многу за стабилноста на серверот…

Претприемач и МКХост серијал

Во светот е веќе незамисливо малите бизниси да немаат сопствена веб презентација и продажба преку интернет. За оваа намена Ви е потребно место каде сите тие елементи ќе бидат сместени и достапни за глобалната интернет популација. Тоа место го обезбедувате преку хостинг компанија.

Овој пазар во Република Македонија некако во последниве години бележи голем раст. Голем раст, но во исто време проследен со премногу неправилности, „измами“ и секако несоодветен квалитет во однос на она што еден мал бизнис или претприемач ќе треба да го добие.

Развојот на ова индустрија во светски рамки и секако овозможеноста преку глобалниот интернет секој поединец да купи некаков простор од странските компании и тука да го препродава овозможи една целосна збрка и нерегулиран простор во кој најмногу страдаат претприемачите. Во секојдневен контакт со претприемачите слушам различни изјави дека се чувствуват измамени.

Затоа МКХост и Претприемач започнуваат еден серијал на написи кои едноставно ќе се однесуваат на едукација на сегашните или потенцијалните претприемачи во однос на ова подрачје.

1. Стабилност

Стабилност на системот е една од најважните карактеристики што еден претприемач или еден мал бизнис има потреба од една хостинг компанија.

Примери во однос на стабилноста:

• Во моментот на одлука за купување Вашиот потенцијален купувач не може да пристапи до Вашата веб страна бидејќи серверот е паднат.
• Во процесот на донесување на одлука за купување при анализа на бизнисите, потенцијалниот купувач не може да пристапи до производите и/или услугите кои Вие ги нудите бидејќи серверот е паднат.
• Сакате да испратите/примите битна е-mail порака до/од вашиот бизнис партнер или да ги известите своите потрошувачи за ваш нов производ – но проблем со серверот / e-mail серверот.

2. Бризна

Што се подразбира под брзина за еден мал бизнис кога станува збор за хостинг услуга?

Во денешно време со модерната технологија кај компјутерите и нивниот брз раст, човекот се навикнува на брзо извршување на работите на компјутерот. Нашето време станува драгоцено и потребна ни е секоја секунда од времето.

Брзината на серверот, односно брзината на отварање на вашата интернет презентација е многу важен фактор. Врз брзината влијаат повеќе работи, нормално прво ја земаме интернет конекцијата на посетителот на сајтот, каква конекција има, дали во моментот неговата конекција е зафатена со други интернет апликации и слично.

Важен фактор во брзината на сајтот е и локацијата на хостинг серверот како и неговите софтверски и хардверски перформанси.

Хостинг Сервер

Локација на серверот, мислиме на физичка локација каде точно е лоциран. Под сервер зборуваме за компјутер, специфично наречен сервер затоа што се користи да опслужува корисници и не спаѓа во групата на персонални компјутери кои се користат само за лична употреба. Хостинг компанијата е таа каде што ги лоцира серверите физички. Серверот е нон стоп под интернет конекција како и струјно напојување со цел да има максимален uptime. Доколку серверот е физички и инфраструктурно поблиску до вас (до вашиот компјутер – вашата интернет конекција), тогаш побрзо ќе комуницира со вас и побрзо ќе ве опслужува. Доколку вие сте во Македонија и серверот е во Македонија, тогаш веројатноста да имате побрз пристап до него во споредба со некој посетител од Америка е многу поголема, затоа што Интернет конекцијата на посетителот од Америка е поврзана помеѓу повеќе провајдери и потребно е поголемо време за комуникација со серверот.

Одредени хостинг компании нудат сервери лоцирани само на една географска локација, додека други на повеќе, сепак клиентот треба да го има ова во предвид кога врши нарачка на одреден хостинг простор и да претпостави од каде ќе му се целните посетители (потенцијалните купувачи) на сајтот за да тие добијат побрз пристап до неговиот сајт и да ги претвори во идни купувачи. На пример, доколку Вашиот бизнис е насочен кон потрошувачи во Македонија најдобро е да изберете вашиот веб сајт да биде хостиран на сервери во Македонија.

Под софтверски перформанси на серверот се подразбира оперативниот систем, системските апликации, преоптеретеноста со податоци …

Под хардверски перформанси подразбираме брзина на процесорот, колку јадрен е процесорот, физички рам и хард диск простор на серверот …

Пример за брзина:

• Потенцијалниот купувач ја наоѓа Вашата веб страна бидејќи имате вложено огромен труд во SEO или пaк имате активна Google Adwords кампања преку која доаѓа до вашиот веб сајт, но при отворање или разгледување на истата чека премногу време. Се нервира и едноставно го кликнува Х знакчето. Запрашајте се самите колку пати ви се случило да исклучите одреден веб сајт поради тоа што споро се отвара. Спороста ги нервира посетителите и тие налутени го исклчуваат сајтот. Ако му понудите на посетителот брз сајт кој што ќе се отвори веднаш кога ќе ја внесе URL адресата во пребарувачот тогаш тој го направил првиот чекор и дошол на вашиот сајт каде ќе може веднаш да почне да го бара тоа што му треба. Брзина на сајтот е основен предуслов за да го привлечете посетителот и да го претворите во ваш клиент како и да ужива при кликање на линковите во вашиот сајт и брзо скокање од еден на друг линк без чекања.

3. Доверливост

Една хостинг компанија каде што ја хостирате Вашата бизнис веб страна може да има пристап до премногу податоци за Вашиот бизнис кои едноставно претставуваат индустриска тајна. Затоа доверливоста е уште една карактеристика која вие како претприемач ќе мора да ја побарате во една хостинг компанија.

Неколку препораки:

• Проверете колкав број на клиенти имаат?
• Кои се клиентите на разгледуваната хостинг компанијата?
• Колку време постои разгледуваната хостинг компанијата?
• Дали има инвестирано во опрема во Македонија или едноставно само е реселер на странските компании?
• Доколку е реселер на кои странски компании е реселер и каква е нивната репутација?

Пример со доверливост:

• Доаѓа конкурентска компанија и му нуди на хостинг провајдерот тајно пари за да му ги даде информациите за бројот на посетители, географска локација на истите, најпосетувани страни со производи… Дали сакате овие информации да бидат во рацете на Вашите конкуренти? Ние не би сакале!

4. Техничка подршка

Кога станува збор за технологијата често пати може да се случат различни непредвидени грешки кои можат да бидат катастрофални по Вашиот бизнис доколку не се реагира брзо. Затоа при изборот на хостинг компанија каде ќе биде хостирана Вашата веб страна внимавајте да има репутација на квалитетна техничка поддршка.

Видови на техничка поддршка:

• Најосновна поддршка преку емаил систем (испраќате емаил пример до: support@imenakompanijata.com)
• Пософистицирана поддршка преку таканаречен тикет (ticket) систем (отворате ticket и целата комуникација се одвива преку овој ticket, предноста е тоа што имате преглед на сите ваши одговори, како и одговорите на членовите од техничката поддршка како и можноста да реплицирате преку веб – немора секогаш да праќате емаил порака. Исто така предност е и за членовите на техничкиот тим, може повеќе да ви помагаат и одговараат на ticket-от како и да го препратат до одреден оддел, ако сте го испратиле на погрешен).
• Телефонски контакт – ова е најкористен денешен начин на комуникација каде јасно и брзо може да се утврди тоа што се бара. Внимавајте многу хостинг компании не нудат телефонска поддршка, или пак некои нудат но не се секогаш достапни
• Поддршка преку социјални мрежи како и IM клиенти: SKYPE, MSN … многу клиенти бараат ваков тип на поддршка, затоа што кога сакат може да прашаат за нешто и да добијат веднаш одговор без да чекаат емаил – сепак кај поголеми хостинг компании ваквата поддршка се избегнува
• Техничка поддршка преку Live Chat – ова е диреткна комуникација на клиентот со некој оператор на сајтот на компанијата при што брзо и директно може да се поставуваат и одговараат прашања без комуникација преку емаил. Се заштедува на време и можност за поставување на повеќе прашања – хостинг компанијата треба да обезбеди вработени кои нон стоп ќе бидат на четот затоа што не се знае кога точно одреден посетител ќе дојде на сајтот на хостинг компанијата да побара помош

Пример со техничка подршка:

• Се случува технички проблем кој доведува до пад на серверот каде е хостирана Вашата веб страна. Се јавувате на компанијата кај која имате закупено една ваква услуга, но едноставно не можете да ги добиете. Вашите потенцијални купувачи не можат да пристапат до Вашата веб страна иако донеле одлука да купат нешто.

5. Да не е фиктивна компанија?

И секако иако последно, не и најмалку важно. Дали е тоа компанија која поминала низ правниот филтер во Македонија? Дали правниот систем на Македонија е валиден врз компанијата која Ви ги нуди хостинг услугите?

Постојат многу причини зошто го вклучивме и овој елемент кој Вие како претприемач би требало да го разгледате пред да донесете конечна одлука. Тука ќе наведеме неколку прашања:

• Доколку се случат непредвидени работи кого ќе тужите?
• Вие сте бизнис – даночен обврзник, како ќе го вратите ДДВ-то?
• Дали не го прекршувате законот?
• Денес го има утре го нема – Дали ќе имате штета доколку сите податоци на серверот исчезнат?

Веб хостинг на сервери лоцирани во Македонија – предности

Хостирајте на сервери во Македонија

МКхост е веб хостинг компанија со главна цел хостирање на веб страните на Македонските граѓани, организации, компании, индивидуалци, дизајнери, програмери, девелопери, студенти…

Во последниот период МКхост се трудеше за насочување и лоцирање на серверите во Македонија. Во тоа и успеавме. Веќе една година како го стартувавме првиот сервер лоциран во Македонија. Хостирање на сајтовите на нашите клиенти на Македонски сервер беше задоволство за нас поради тоа што добивме многу позитивни реакции од клиентите:
- „Отварањето на сајтот е побрзо од кога и да било до сега.“
- „Пингот до серверот е 20ms – неверојатно!“
- „Кога ги листам податоците преку FTP, исто како да ги листам на мојот сопствен компјутер – како да работам локално – без чекања.“
- „Многу сум задоволен од брзината на отварање на мојот сајт. Планирам да ги префрлам и другите сајтови на вашите локални сервери во Македонија.“
- „Работењето со е-маил пораките е побрзо. Веднаш се конектирам до серверот преку мојот емаил клиент и побрзо се превземаат пораките, како и испраќаат оние со поголеми податоци.“
- „Фајловите од серверот се превземаат со максимална интернет брзина на мојот Интернет провајдер – многу побрзо за разлика од сајтови хостирани на странски сервери“.

Предностите на хостирање на вашиот веб сајт на серверите на МКхост лоцирани во Македонија се наведени директно од нашите клиенти опишани погоре цо нивните коментари.
Дополнително тоа што може да ве интересира или можеби имате некои дилеми ќе биде опишано преку следните прашања и одговори:

П: Зошто да го хостирам веб сајтот локално, која е разликата?
О: Одговорот е едноставен. Локалниот сервер е поблиску до вас, лоциран во Македонија. Интернет провајдерите во Македонија имаат побрз пристап до серверите конектирани на Интернет во Македонија отколку оние лоцирани во странство. Доколку серверот е лоциран надвор, вашата конекција патува надвор од Македонија и е потребно повеќе време за одговор од серверот со што вашиот сајт ќе биде поспор во отварањето.

П: Моите посетители се од Македонија. Каде да го хостирам мојот веб сајт?
О: Доколку вашите посетители се од Македонија, тогаш без размислување треба вашиот сајт да го хостирате локално. Тоа е за добро на посетителите, побрз пристап и брзо отварање на содржините.

П: Дали посетителите надвор од Македонија ќе имаат исто брз пристап до мојот сајт доколку хостирам локално?
О: Одговорот на ова би бил пропорционален со прашањето: Кога би го хостирале сајтот на сервер надвор од Македонија дали Македонските посетители ќе имаат брз пристап до сајтот. Сето ова зависи од одалеченоста на вашиот посетител и начинот на кој тоје  поврзан на Интернет, до која глобална Интернет мрежа има пристап, како ќе стигне тој до вашиот сајт, низ кои провајдери и слично.

П: Како да се одлучам?
О: Одлуката е врз основа на пресметки или предвидувања. Ако вашиот сајт е планиран за Македонска публика тогаш хостирањето може да биде локално, ако се двоумите или имате посетители и  надвор од државата, тогаш може да изберете било која од опциите. Секако, ако стартувате сајт кој што ќе биде наменеет за странски пазар, странски клиенти или пак очекувате само клиенти од Америка, тогаш секако дека ќе треба да го хостирате сајтот на сервери во Америка. МКхост воведе опција, да при нарачката изберете на која серверска локација сакате да го хостирате вашиот сајт.

П: Дали користите ист софтвер на серверите во Македонија?
О: Да, софтверот кој што се користи на серверите лоцирани во Македонија е ист со оној на серверите во Америка. Оперативниот систем, cPanel контрол панелот како и други софтверски додатоци.

П: Дали серверите се ваши?
О: Да, МКхост започна во инвестирање и купување на хардверот за серверите. Се користат DELL серверски конфигурации со 1U rack единици и најнова технологија за процесорот, дисковите…

Претходната недела МКхост стартуваше нов сервер лоциран во Македонија за своите клиенти. Сите тестирања поминаа во ред и серверот е отворен за хостирање на сајтовите за нашите клиенти.

35% попуст на Linux хостинг пакетите (само за првите 50 нарачки) – на сервери во Македонија

Хостинг попуст од 35%

По повод стартување на новиот сервер, МКхост овозможува 35%  попуст за Linux хостинг пакетите и лоцирање на сајтовите на новиот сервер. Хостинг пакетите може да ги разгледате на следниот линк: www.mkhost.com.mk/linux/ . При нарачка на хостинг пакетот во делот код за промоции ќе внесете: MAKSERVER и автоматски системот ќе ви го одреди попустот од 35%. Побрзајте попустот се однесува само за првите 50 нарачки кои ќе бидат лоцирани на новиот сервер.

Моите почетоци на блогирањето се поклопуваат со почетоците на платформата за блогирање на он.нет позната како блогерај. По многу краток период поминат таму, бев приморана да заминам од причини кои ми се се уште непознати. Не знам дали се работеше за класично банирање/цензура на корисник или беше некоја техничка грешка, но тоа ме примора да почнам да истражувам за следното место каде би се вдомила. Од сегашна перспектива, многу сум благодарна за тој потег. Никогаш немаше да ги откријам толку брзо можностите кои ги нуди интернетот, бидејќи се уште ќе бев заглавена на платформа каде мора да се почитуваат туѓи наметнати упатства за однесување, зошто сепак газдата на фирмата ги прави правилата, нели?

Направив голема грешка што не ги послушав советите уште веднаш да си закупам свое катче, со платформа и хостинг. Мојата втора виртуелна закачалка во тоа време беше паралелниот блогерај на македонскиот интернет простор – Блогер Мк, но тој блог за жал веќе не постои. На него своевремено успеав да пренесам поголем дел од текстовите, па сепак повеќе од 400 постови останаа заглавени на блогерајот од каде што не постоеше опција (освен мануелно да ги копирам) автоматски да ги внесам на новиот блог.

Сајтот http://arheo.com.mk го купив некаде кон крајот на декември 2007, а благодарение на помошта од Ивица Мицев ја поставив wordpress платформата. Исто така тој го стокми овој темплејт кој од привремен стана постојан и го преведе на македонски јазик. Во почетокот малку тешко го примив блогирањето на wp, зошто не бев навикната. Платформата не е совршена, но и ние луѓето не сме. Сепак за разлика од многу други, нуди огромни можности. Дури и една платформа како моќниот blogger после толку време постоење дури во Мај 2008 година постави опција за местење на тајмингот кај постовите.

Во меѓувреме не успеав да ги префрлам постовите од Блогер Мк, каде претходно блогирав и се случи хаварија. Најголемиот проблем со постовите кои се наоѓаа таму (а беа преку 700) настана кога по извесно време платформата комплетно падна. Не можев никако да го исконтактирам администраторот за да прашам дали има некаков, било каков бек ап на податоците, а исто така не бев во можност да пристапам во администраторската папка на блогот. Со самото ова ми се заглавија сите текстови кои беа он лајн, како и оние кои беа драфтувани. Дури и рачно да ги преместував од самиот блог (т.е. да ги копирам) пак беше прилично сложено. Се обратив за помош до Мк WordPress тимот на кого им благодарам за поддршката. Посебно му благодарам на Ванчо Орданоски од Инфопроект кој несебично помогна да се реши проблемот за исклучително кратко време. Сите упатства како беа пренесени постовите од една крахирана блогерска платформа на wordpress ги имате на на МК WP Блогот. Не дај боже, но овие упатства можеби некому ќе му бидат од корист во иднина. Во меѓувреме тој направи привремена база на еден од локалните сервери во неговата фирма, од каде релативно лесно можеа постовите со опцијата export/import на wp да се пренесат на мојот сајт.

Со оглед на тоа што последните неколку години блогирам сама на независен домен и сопствена wordpress платформа, имам огромно искуство како да се справам со сите проблеми кои наидуваат. Предностите да се биде на сопствена платформа и сопствен хостинг се огромни. Не постојат практично никакви ограничувања, освен лимитите на вашата фантазија и барем елементарно познавање од html кодови. Но кога јас како археолог успеав да ги научам, верувам дека секој би можел да се снајде. Можете да ги подесувате опциите за читање, пишување и едитирање по желба. Да додавате администратори и автори на платформата со што ќе ја направите колаборативен сајт налик на помал блогерај. Да ја менувата темата(позадината) на блогот/сајтот како ќе посакате, бирајќи бои за основата, заглавјето, дното или линковите. Можете да вметнувате разни додадтоци за мета податоци (на пр. фотографии, видеа ) или за некои од социјалните мрежи (facebook, twitter, scribd …). Да модерирате коментари доколку се навредливи или имаат говор на омраза, да сочувувате текстови заради претпазливост, да инсталирате најразлични опции со што и визуелно и текстуално ќе се збогати содржината на вашиот сајт/блог. Имате онолкав простор и месечен сообраќај колку што ќе си закупите и единствена цензура е автоцензурата.

Моето патешествие на интернет беше прилично контроверзно се додека не почнав да го хостирам сајтот кај компанија која е стручна за тоа и самостојно да се грижам за него. Учев од сопствено искуство, а најтешко е кога треба да се истрпите самиот себе за да истраете во мисијата. За сите сегашни и идни блогери кои сакаат да се префрлат на сопствена WordPress платформа, најлесен начин е купување на сајт каде во контролниот панел имаат опција за автоматско инсталирање чија процедура не трае повеќе од 30 секунди. На истиот домен може подоцна да си инсталираат повеќе поддомени со што добиваат независни сајтови на кои исто така може да се инсталира wp. Повеќето теми/темплејти/позадини за wp се бесплатни, па можат да се тестираат се додека не се најде прикладна за корисникот која е без дефекти (bugs). Додатоците (plugins) се исто така бесплатни и мошне лесно се пронаоѓаат на интернет, а уште полесно се инсталираат. Грешки се секако неизбежни, но доколку сајтот ви е хостиран кај одредена компанија, секогаш е можно враќање на претходната ситуација бидејќи тие ги чуваат сите верзии на вашата платформа со се промените. Најважно е што во текот на годината wp платформата постојано се подобрува и секоја нова верзија е постабилна од претходната. Надградувањето е исто така автоматско без додатно познавање од информатички технологии. WordPress платформата нуди една раскошна палета од опции по желба на корисникот.

Овој текст е пренесување на моите лични искуства и премрежја кои сум ги поминала на интернет се додека не почнав да пишувам на сопствена платформа, домен и хостинг. На интернет постои (не) пишано правило – се додека лично не поседувате сопствено виртуелно место, тоа всушнот воопшто и не е ваше, туку му припаѓа на некој друг.

Доколку сте на некоја туѓа платформа каде блогот/сајтот ви е под наем, вие сте практично кираџија. Само еден профил (account) и една орвелова бројка повеќе. И доколку нешто од вашиот профил му се закани како спам на серверот на одредена платформа, тој автоматски ќе ве блокира. Затоа треба пред се да се едуцирате за Новите медиуми, за социјалните мрежи, блоговите, блог платформите, микроблогирањето итн. Што се може да сторите со нив, кои се вашите права, предности и ограничувања. Бидејќи нема веќе идина. Сегашноста им припаѓа ним.

Димитровска Василка

Археолог и професионален
туристички водич

e-mail: info@arheo.com.mk
web: http://arheo.com.mk

МКхост Новогодишен2010 Хостинг Пакет со бесплатен домен

Дозволете да ве известиме дека МКхост воведе нов пакет насловен како Новогодишен2010 за само 3000 денари на годишно ниво.

Пакетот е составен од следниве карактеристики:

- Хостинг простор од 1000мб
- Месечен трансфер на податоци од 60 000мб
- Регистрација на бесплатен домен ( info/com/org/net/com.mk/mk/net.mk )
- Можност за додадете до 3 домени на истиот хостинг – главниот домен + 2 дополнителни addon домени, со ова заштедувате хостирање на дополнителни 2 веб страни. Со оваа опција хостирате 2 веб страни на ист хостинг пакет. Дополнителните домени може да ги активирате и додадете кога ќе посакате, немора веднаш по активација на главниот домен со хостингот.
- cPanel + Fantastico бесплатен контрол панел и панел за автоматски инсталации на скрипти.
- Поддршка за Joomla/WordPress/phpBB и останати скрипти
- Бесплатниот домен е бесплатен секоја година доколку се обновува хостингот.
- Цената на Новогодишен2010 пакетот е 3000 денари за една година и цената останува иста и за обнова на истиот и наредните години.
- Хостинг пакетот е на Linux платформа. Разлика помеѓу Linux и Windows платформа.
- Останатите карактеристики се исти како и на стандардните хостинг пакети и деталите може да ги разгледате на следниот линк.

- Нарачка на овој промотивен Новогодишен2010 хостинг пакет со вклучен бесплатен домен може да ја извршите на следниот линк.

Зошто хостинг услугите на сервери лоцирани во локалната област на посетителите е битна за Маркетинг и Е-Комерција?

МКхост сервери во Македонија

Многумина корисници кога бираат хостинг компанија не знаат дека тоа има големо влијание врз нивниот маркетинг. Ова може да биде од голема важност доколку корисникот има онлине продавница која е базирана на географскиот регион.
Па да започнеме со објаснувањето зошто е битно да знаете однапред која е вашата “таргет група“, односно од каде се вашите посетители.

Повеќето интернет конекции се многу брзи при избор на хостингот, но сепак е важно каде физички е присутен серверот кај што ви е хостиран сајтот. Доколку стартувам е-продавница во Македонија и се фокусирам моите корисници да бидат од регионот,  многу е битно серверот да биде физички присутен во Македонија затоа што тогаш тој многу побрзо ке ги праќа информациите до моите корисници за разлика од корисниците ширум светот.  Со хостирање на сајт близу вашите корисници значително им го скратувате времето за пристапот до серверот. Можеби ова не ви звучи како битен фактор за успех во вашиот бизнис но голем број на студии заклучиле дека брзината на пристапот до серверот има големо влијание во развитокот на истиот. Овој вид на хостинг е битен и кај гејмерските сервери поради тоа што латенцијата ке биде мала и ке можат без никакви пречки и со тотално уживање да се играат online игри.  ( МКхост планира во блиска иднина нудење на Game сервери . )

Во поглед на маркетингот, исто така битно е  како Google и другите пребарувачи ве препознаваат. Физичката локација на серверот и наставката на доменот карактеристичен за секоја држава ве става на повисок ранг кај сурферите кои пребаруваат од иста геолокација.

МКхост официјално од 09.03.2009 започнува со нудење на хостинг услугите на сервери во Македонија, како и со пуштање на серверот во комерцијална употреба. Тест фазата на првиот МКхост сервер лоциран во Скопје помина успешно и брзината е задоволителна за нашите клиенти.

Од сега при нарачка на Linux хостинг пакетите ќе имате опција за избор на локацијата на серверот каде што ќе сакате да биде хостирана вашата веб страна. Секако, серверите во Америка остануваат во употреба и корисниците ќе може да го вршат изборот според нивна желба. Доколку пазарот што го лоцираат е надвор од Македонија, тогаш може да ја изберат опцијата за активација на хостингот на сервер во Америка. Доколку посетителите на сајтот ќе бидат Македонци или посетители блиску од балканот и пошироко може да ја изберат серверската локација во Македонија, со што латенцијата спрема хостинг-от и отварањето на веб страната за овие посетители ќе биде доста брзо.

Новите сервери во Македонија ќе ја имаат истата софтверска инсталација како досега, со вклучен cPanel контрол панел+Fantastico скрипти за лесна инсталација на одредени скрипти ( форуми, CMS системи како  Joomla и слично ).

Linux vs Windows

Доколку планирате да стартувате сопствен веб сајт едно од почесто поставуваните прашања е на која платформа ќе припаѓа истиот. Најкористените платформи се: Windows и Linux/Unix. Помеѓу овие две платформи постои суштинска разлика и во зависност според потребите ќе им помогне на корисниците при нивниот избор.

Linux/Unix веб хостинг

Многу позастапен од Windows платформата, Linux/Unix е најупотребуваната хост платформа кај корисниците. Главната причина поради тоа е што таа има висока репутација на брзина и стабилност која е веќе години наназад докажана.

Linux/Unix платформата поддржува бројни програми, апликации, јазици и датабази како што се: PHP, Perl, PostGre, MySQLPostGreSQL. Единствена негативност му е тоа што не е целосно компатибилен со технологиите на Microsoft.

Доколку се одлучите да инсталирате форум (phpbb2, vbulletin, simplemachines…) или пак можеби блог (wordpress…) или CMS (Joomla, PhpNuke, PostNuke…) тогаш Linux платформата за вашиот хостинг ќе биде идеална за тоа.

Windows веб хостинг

Windows хостингот е добра опција за клиентите кој што ги користат технологиите на Microsoft. Овој веб хостинг е продукт на Microsoft па така и лесно може да се интегрира со останатите сервиси.Windows веб хостинг поддржува голем број на додатни скрипти како што се: ColdFusion, ASP.net како и Access И MSSQL датабази.

Сигурносен фактор
За разлика од Windows серверите кои се повеќе се изложени на напади од вируси и разни други штетни работи кои веќе ги знаеме, Linux серверите се повеќе заштитени и се повеќе отпорни на напади. Истите се повеќе сигурни и повеќе заштитени во рамки на пристап до фајлови/пермисии и слично.

Ценовниот фактор
Најголемата разлика помеѓу овие две платформи е всушност нивната цена. Windows платформата е многу поскапа од Linux/Unix само поради фактот дека за користење на Windows платформата е неопходна регистрација која доведува до екстра трошоци.

На која платформа да го закупите хостингот?
Најчесто поставувано прашање помеѓу корисниците на хостинг услугите е која хостинг платофрма да ја изберат, дали на Windows сервер или пак на Linux сервер.

Забуната доаѓа мислејќи се дека корисниците треба да закупат Windows хостинг затоа што тие работат на Windows оперативен систем или затоа што ако го закупат Linux хостингот, Windows корисниците на оперативниот систем ќе нема да можат да им ја отвараат и прегледуваат веб страната.

Овие забелешки се неточни. Разликата како што наведовме погоре е во однос на серверската страна, а не и во однос на клиентската страна. Така да и доколку закупите хостинг простор на Linux сервер, сите корисници без разлика каков оперативен систем користат ќе може да ја отвараат вашата веб страна и да бидат во контакт со вас.

Најчесто нашите клиенти ги закупуваат Windows хостинг пакетите доколку имаат потреба од користење на Access/MSSQL датабази, како и употреба на .NET технологија за нивните изработени веб страни.
Доколку хостирате обична HTML/PHP веб страна за која не е потребна или е потребна MySQL датабаза, тогаш вашиот идеален хостинг пакет би бил на Linux платофрма.

Најверојатно сте ги слушнале темините или сте наишле на истите сурфајќи на интернет.  Оние кои веќе знаат што всушност е веб хостинг и како функционира целата работа може да го препратат постот до оние кои прашуваат за овие термини.

Веб хостинг (англиски: Web Hosting) едноставно претставува простор алоциран на сервер прикачен на брза интернет конекција.  Просторот е одредуван од страна на хостинг компаниите. МКхост нуди повеќе хостинг пакети со помал и поголем простор. Веб хостингот всушност не претставува само хостинг простор, туку еден вид на сервис кој што вклучува уште неколку функции/можности како:

- сообраќај (англиски: Bandwidth), ова е месечниот трансфер на податоци (слики, текстови, најразлични фајлови прикачени на хостинг серверот ) кои се пренесуваат помеѓу посетителите, корисниците и хостинг серверот.

- е-маил адреси со помош на кои ќе испраќате и примате е-маил пораки до вашите пријатели/соработници…

- backup поддршка – има една изрека која вели: „Подобро е да го имаш а да не ти го треба, одколку да го немаш а да ти го треба“. – Ова токму се однесува на backup кој што е повеќе од потребен поради ненадејно губење на податоците, дали тоа ќе биде клиентска ненамерна грешка, дали ќе биде хакерски/кракерски напад кој што може да ја упропасти веб страната, па се до хардверски проблеми  на серверот.

- контролен панел - панел кој ќе ви овозможи полесно менаџирање со хостинг услугата, така што со само неколку клика ќе може да креирате е-маил адреса, или пак да инсталирате некоја скрипта (Пр. Joomla). МКхост го користи cPanel+ Fantastico за лесно контролирање на хостингот и лесно креирање на додатни скрипти.

- домен - името кое е карактеристично за секоја веб страна. Пример mkhost.com.mk е нашето препознатливо име со кое вие не посетувате и всушност сега го читате овој пост. Сите веб страни на Интернет првично функционираат со IP адреси доделени од страна на хостинг серверите каде што се хостираат истите, меѓутоа многу е тешко да запомниме IP адреси (пр. 174.133.183.58), па затоа ги користиме домените кои лесно се памтат.  Домените се уникатни и неможе да има два исти домени. Возможно е да има две исти имиња со различна наставка (Пр. mkhost.org , mkhost.com.mk и слично). Крајните наставки не се многу битни при користењето и немаат строги правила во користењето, но препорачливо е доколку вашата веб страна таргетира посетителие од Македонија, наставката да биде .mk со што би се знаело дека доменот има врска со Македонија.

Доколку Вие сакате да си регистрирате домен тоа можете да го направите преку нас, едноставно кликнете на следниот линк и изберете го името што сакате да го резервирате и искористите за креирање на вашата веб страна.

Слободно доколку имате некои прашања во врска со овие термини може да оставите коментар и да ги продискутираме подетално.